ایک شخص کو مسلط کرنے کیلئے آئینی ترمیم کا ڈرامہ رچایا جا رہا ہے: لطیف کھوسہ

پاکستان تحریک انصاف (پی ٹی آئی) کے رہنما اور ممبر قومی اسمبلی سردار لطیف کھوسہ کا کہنا ہے کہ ایک شخص کو مسلط کرنے کےلیے آئینی ترمیم کا ڈرامہ رچایا جا رہا ہے۔

کاہنہ میں پی ٹی آئی جلسے سے خطاب کرتے ہوئے سردار لطیف کھوسہ کا کہنا تھا پچھلے ہفتے شب خون مارنے کی کوشش کی گئی، اس میں ناکامی ہوئی تو آرڈیننس کے ذریعے کھیل کھیلا گیا۔

لطیف کھوسہ نے یہ بھی کہا کہ ایک شخص کو مسلط کرنے کے لیے آئینی ترمیم کا ڈرامہ رچایا جارہا ہے۔

جلسے سے خطاب کرتے ہوئے سلمان اکرم راجا نے کہا کہ 8 فروری کو جو فریب ہوا، اس کی بنیاد پر جھوٹی حکومت قائم کی گئی اور یہ جھوٹی حکومت آئین میں ترامیم کر رہی ہے، ہم سب کو اس کےخلاف کھڑا ہونا ہے۔

اس کے علاوہ شعیب شاہین نے بھی اپنے خطاب میں کہا کہ آپ راستے بند کر کے بھی لوگوں کو جلسے میں آنے سے نہ روک سکے، اڈيالہ جیل جاکر معافی مانگو  جبکہ شیخ وقاص اکرم نے کہا کہ بانی پی ٹی آئی نے کہا ہے حقیقی آزادی کے لیے لڑنا ہے، عدلیہ کا ساتھ دینا ہے۔

مکمل فری ہینڈ کے باوجود پی ٹی آئی ملک بھر سے صرف چند لوگ جمع کرسکی: وزیراطلاعات

اسلام آباد جلسے میں بڑی بڑھکیں ماری تھی اور نتیجہ کھودا پہاڑ نکلا چوہا وہ بھی مرا ہوا، عطا تارڑ

پی ٹی آئی جلسے کیلئے پختونخوا سے آنیوالے زیادہ تر قافلے اسلام آباد سے ہی واپس ہوگئے

وزیراعلیٰ خیبرپختونخوا علی امین گنڈاپور نے لاہور جلسے میں رسمی شرکت کی، وہ پشاور سے تاخیر سےساڑھے گیارہ بجے روانہ ہوئے تھے