اب کوئی غیر ملکی کھلاڑی آئی پی ایل میں مہنگا ترین کھلاڑی نہیں بن سکےگا

بھارتی کرکٹ بورڈ (بی سی سی آئی) نے انڈین پریمیئر لیگ (آئی پی ایل) میں غیر ملکی کھلاڑیوں کے زیادہ کمانے کا راستہ  روک دیا ہے۔

رپورٹ کے مطابق  اب کوئی غیر ملکی کھلاڑی آئی پی ایل میں مہنگا ترین کھلاڑی نہیں بن سکےگا۔

آئی پی ایل کے لیے نیلامی میں چنے جانے کے بعد دستبردار  ہونے  والے غیرملکی کھلاڑی پر 2 سال کی پابندی ہوگی۔ غیر ملکی کھلاڑیوں کو  دستبردار  ہونے کے لیے  پہلے مضبوط وجہ  بتانا ہوگی۔کھلاڑی صرف  انجری  اور  طبی وجوہات کی بنیاد  پر دستبردار  ہو سکیں گے، تصدیق کھلاڑی کا  ہوم  بورڈ کرےگا۔

میگا  آکشن کے لیے خود کو  رجسٹر نہ کرانے  والے  منی آکشن  میں حصہ نہیں لے سکیں گے۔

ایک جیسے ناموں کا دھوکا، آئی پی ایل آکشن میں پریتی نے غلطی سے دوسرا کھلاڑی چن لیا

پریتی کھلاڑیوں کے ایک جیسے ناموں کی وجہ سے دھوکا کھاگئیں غلطی کا احساس ہونے پر انہوں نے بڈ بدلنا چاہی لیکن اینکر نے کہا کہ یہ پلیئر اب آپ کا ہوچکا ہے

آئی پی ایل ٹیم کی روہت شرما کو 50 کروڑ بھارتی روپے کی پیشکش کی خبریں زیر گردش

اس بار آئی پی ایل آکشن کے لیے سب کی نظریں ممبئی انڈینز پر ہیں جس میں سوریا کمار یادیو، روہت شرما، ہادرک پانڈیا اور جسپریت بھمرا شامل ہیں: بھارتی میڈیا

خیال رہےکہ آسٹریلیا کے مچل اسٹارک  اور  پیٹ کمنز  نےگزشتہ  سیزن  میں ریکارڈ معاوضے لیے تھے۔ مچل اسٹارک کی 24.75 کروڑ انڈین  اور  پیٹ کمنز کی 20.50 کروڑ انڈین میں منی آکشن میں نیلامی ہوئی تھی۔

اب غیر ملکی کھلاڑی منی آکشن کے لیے  رجسٹر نہیں ہو سکےگا۔ منی آکشن کے لیے زیادہ  سے زیادہ فیس بھی طےکر دی گئی ہیں۔ بڑے آکشن میں 18 کروڑ انڈین جب کہ منی آکشن میں فیس 16 کروڑ انڈین ہوگی، اگر اس سے  زیادہ  فیس آکشن میں جاتی ہے تو اضافی  رقم  بھارتی بورڈ کو  دی جائے گی جو پلیئر  ویلفیئر کے لیے استعمال ہوگی۔