’درخواستوں میں آئینی سوالات ہیں‘، مجوزہ آئینی ترمیم کیخلاف درخواستوں پر لارجر بینچ بنانے کا فیصلہ

پشاور ہائیکورٹ نے مجوزہ آئینی ترمیم کےخلاف دائر درخواستوں پر لارجر بنچ تشکیل دینےکا فیصلہ کیا ہے۔ 

پشاور ہائیکورٹ نے تین صفحات پرمشتمل تحریری حکم نامہ جاری کرتے ہوئے کہا کہ  آئینی ترامیم کے خلاف دائر درخواستیں لارجر بینچ سنےگا۔

عدالت نے اپنےحکم میں کہا کہ  درخواستوں میں آئینی سوالات ہیں، آئینی تشریح کی ضرورت ہے، وفاقی حکومت، اٹارنی جنرل اور ایڈووکیٹ جنرل کو نوٹس جاری کیا جاتا ہے۔

پشاور ہائیکورٹ نے کہا کہ درخواست گزار وکیل کے مطابق وفاقی حکومت آئینی ترمیم کرنے جارہی ہے اورمجوزہ آئینی ترامیم میں عوام بنیادی اسٹیک ہولڈرز ہیں مگر  آئینی ترمیم میں عوامی رائے شامل نہ کرنا آئین کی خلاف ورزی ہے۔ 

حکم نامے میں مزید کہا گیا ہے کہ درخواست گزار کے مطابق 18 ویں ترمیم میں مسودہ پبلک کیا گیا تھا۔ 

بعد ازاں عدالت نے کیس کی آئندہ سماعت 15 اکتوبرتک ملتوی کردی۔ 

ترامیم کے ووٹ کیلئے ہمارے ایم این ایز کو 20،20 کروڑ کی آفرز ہوئیں: اسد قیصر کا انکشاف

آئینی ترامیم 17 یا 18 تاریخ کو لائی جا رہی ہیں، فاشسٹ حکومت بتائے زور زبردستی سے کون سی قانون سازی ہوتی ہے: پی ٹی آئی رہنما

آئینی ترامیم، میجک نمبر کیلئے حکومت کے پاس 5 سینیٹرز اور 7 ارکان قومی اسمبلی کم

آج نون لیگ میں بھی کئی لوگوں کی نظریں بلاول بھٹو پر ہیں، جو وفاقی آئین کی عدالت کے قیام کا کیس لڑ رہے ہیں: حکومتی ذرائع