آئی ایم ایف کی ورلڈ اکنامک آؤٹ لک رپورٹ جاری، پاکستان میں مہنگائی میں کمی کی پیشگوئی

آئی ایم ایف نے ورلڈ اکنامک آؤٹ لُک رپورٹ 2024 جاری کردی۔

آئی ایم ایف کی آؤٹ لک رپورٹ کے مطابق پاکستان میں مہنگائی و بے روزگاری میں کمی کا امکان ہے۔

رپورٹ میں کہا گیا ہے کہ پاکستان میں رواں مالی سال معاشی شرح نمو 3.2 فیصد رہنے کا امکان ہے جبکہ گزشتہ مالی سال پاکستان کی معاشی شرح نمو 2.4 فیصد تک ریکارڈ کی گئی۔

ورلڈ اکنامک آؤٹ لک رپورٹ کے مطابق  پاکستان میں بے روزگاری کی شرح کم ہوکر 7.5 فیصد پر آنے کا امکان ہے، گزشتہ مالی سال پاکستان میں بے روزگاری 8 فیصد ریکارڈ کی گئی۔

رپورٹ کے مطابق پاکستان میں اس سال مہنگائی کی اوسط شرح 9.5 فیصد رہے گی جبکہ گزشتہ مالی سال پاکستان میں مہنگائی کی اوسط شرح 23.4 فیصد رہی۔

اکنامک آؤٹ لک رپورٹ کے مطابق رواں مالی سال کرنٹ اکاؤنٹ خسارہ منفی 0.9 فیصد رہنے کا تخمینہ ہے جبکہ گزشتہ مالی سال کرنٹ اکاؤنٹ خسارہ منفی 0.2 فیصد تھا۔

آئی ایم ایف نے پاکستان میں مہنگائی میں مسلسل کمی کی پیشگوئی کردی

آئی ایم ایف کورواں مالی سال پاکستان میں مہنگائی سنگل ڈیجٹ میں 9.5 فیصد رہنے کی توقع ہے

پاکستانی وفد کی واشنگٹن میں ورلڈ بینک اور آئی ایم ایف کے رہنماؤں سے ملاقاتیں

ملاقات میں آئی ایم ایف کے ڈائریکٹر جہاد ازعور نے فنڈ پروگرام کے کامیاب آغاز پر پاکستان کو مبارکباد دی اور اصلاحات کے تسلسل پر زور دیا