05 نومبر ، 2024 
پاکستان
فوٹو: دفتر خارجہ/ایکس
ایرانی وزیر خارجہ دو روزہ سرکاری دورے پرپاکستان پہنچ گئے
05 نومبر ، 2024
ایرانی وزیر خارجہ سید عباس عراغچی دو روزہ سرکاری دورے پر پاکستان پہنچ گئے۔
ترجمان دفتر خارجہ کے مطابق ایرانی وزیر خارجہ اپنے دورے کے دوران وزیراعظم شہباز شریف اور نائب وزیراعظم و وزیر خارجہ اسحاق ڈار سے ملاقاتیں کریں گے۔
ترجمان کے مطابق ایرانی وزیر خارجہ عراغچی مشرق وسطیٰ کی صورتحال اور پاکستان اور ایران کے درمیان دوطرفہ تعلقات پر مشاورت کریں گے۔
بیان کے مطابق یہ دورہ پاکستان اور ایران کے درمیان تجارت، توانائی اور سلامتی سمیت وسیع شعبوں میں تعاون اور بات چیت کو آگے بڑھانے کا ایک اہم موقع فراہم کرتا ہے۔
