17 دسمبر ، 2024 
کیا عائشہ آفریدی سابق کپتان شاہد آفریدی کی رشتے دار ہیں؟ اداکارہ نے بتادیا
17 دسمبر ، 2024
پاکستانی اداکارہ عائشہ آفریدی نے سابق کپتان شاہد آفریدی سے کسی بھی تعلق کی خبرں کی تردید کردی۔
اداکارہ حال ہی میں ایک مقامی چینل کے شو میں بطور مہمان شریک ہوئیں جس دوران میزبان ایاز سموں نے ان سے آفریدی کی نسبت سے شاہد آفریدی سے کسی تعلق کا سوال کیا؟
اس پر اداکارہ عائشہ آفریدی نے بتایا کہ’میرا شاہد آفریدی سے کوئی تعلق نہیں، مجھ سے کہیں بھی لوگ ملتے ہیں تو یہی سوال کرتے ہیں، سوشل میڈیا پر بھی کمنٹس میں مجھ سے یہی سوال کیا جاتا ہے کہ کہیں میں آفریدی کی رشتے دار تو نہیں جس پر میں انہیں یہی بتاتی ہوں کہ میرا شاہد آفریدی سے کوئی تعلق نہیں میں عائشہ آفریدی ہوں۔‘
اداکارہ نے پٹھان فیملی سے ہونے کے باوجود شوبز کیرئیر پر بات کرتے ہوئے کہا کہ’ فیملی پٹھان ہے یہی وجہ ہے کہ ہمارے پورے خاندان میں شوبز سے کسی کا کوئی تعلق نہیں، مجھے بھی شوبز میں آنے کیلئے بہت دقت اٹھا کر گھر والوں کو منانا پڑا لیکن مجھے گھر میں اداکار ہونے کی حیثیت بہت زیادہ اہمیت نہیں ملتی ‘ ۔
مزید خبریں :
ریکھا کے خاتون مینیجر سے تعلقات کی خبروں نے نیا تنازع کھڑا کردیا
16 دسمبر ، 2024
