25 دسمبر ، 2024 
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
کل سے دو باکسنگ ڈے ٹیسٹ میچز شروع ہونے جا رہے ہیں اور باکسنگ ڈے ٹیسٹ سب سے زیادہ آسٹریلیا میں مقبول ہیں۔
کل سے میلبرن کرکٹ گراؤنڈ میں میزبان آسٹریلیا اور بھارت مدمقابل ہوں گے جبکہ سنچورین میں پاکستان اور جنوبی افریقا کی ٹیمیں کھیلیں گی۔
ہر سال جب بھی باکسنگ ڈے ٹیسٹ آتا ہے تو کرکٹ کے شائقین کا تجسس بڑھ جاتا ہے کہ کرسمس کے اگلے روز شروع ہونے والے روایتی ٹیسٹ میچ کو باکسنگ ڈے ٹیسٹ کیوں کہا جاتا ہے۔
باکسنگ ڈے ٹیسٹ میچ زیادہ تر آسٹریلیا میں مقبول ہے جو کرسمس کے بعد 26 دسمبر سے روایتی طور پر شروع ہوتا ہے جہاں میزبان ٹیم کا مہمان ٹیم سے تاریخی میلبرن کرکٹ گراؤنڈ میں مقابلہ ہوتا ہے۔
اس مرتبہ کل سے آسٹریلیا اور بھارت کے درمیان باکسنگ ڈے ٹیسٹ شروع ہو رہا ہے اور پہلے روز نان ایشیز ٹیسٹ میں تماشائیوں کا ریکارڈ ٹوٹ جائے گا، دوسری جانب سنچورین میں جنوبی افریقا اور پاکستان کی کرکٹ ٹیموں کے درمیان باکسنگ ڈے ٹیسٹ میچ شروع ہو رہا ہے۔
کرسمس کے اگلے روز آسٹریلیا، انگلینڈ، جنوبی افریقا اور نیوزی لینڈ سمیت کئی ممالک میں چھٹی ہوتی ہے، اس روز مالکان اپنے ملازمین اور امرا کم مراعات یافتہ لوگوں میں باکسز میں تحائف تقسیم کرتے ہیں اور یہ کرسمس کی تقریبات کا حصہ ہے۔
اب یہ آسٹریلیا میں ایک روایت بن چکی ہے، اس روایت کا آغاز 1950 میں آسٹریلیا اور انگلینڈ کے میچ سے ہوا اور اب یہ ایک بہت بڑا فیسٹیول بن چکا ہے جہاں فیملیز اور دوست مل کر اسٹیڈیم آتے ہیں اور فیسٹیول کو انجوائے کرتے ہیں جبکہ جنوبی افریقا میں بھی اس کی مقبولیت میں اضافہ ہو رہا ہے اور لوگ چھٹی کو خوب انجوائے کرتے ہیں۔
مزید خبریں :
بابر اعظم نے ایک اور اعزاز اپنے نام کرلیا
5 گھنٹے پہلے
بھارتی کرکٹر کے ہاں بیٹے کی پیدائش
25 دسمبر ، 2024
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
