11 فروری ، 2025 
جرائم
آئی جی پنجاب ڈاکٹر عثمان انور نے ملزموں کی فوری گرفتاری کا حکم دے دیا،فوٹو: فائل
لاہور: ملزم کی گرفتاری کیلئے جانیوالے پولیس اہلکاروں پروکلاکا مبینہ تشدد، اے ایس آئی جاں بحق
11 فروری ، 2025
لاہور کے علاقے مزنگ میں وکلا کے مبینہ تشدد سے پولیس کا اسسٹنٹ سب انسپکٹر (اے ایس آئی) جاں بحق ہوگیا۔
پولیس کے مطابق اے ایس آئی شاہد اور پولیس اہلکار جمیل جین مندر کے قریب ایک اشتہاری ملزم کو گرفتار کرنےگئے تھے ، جہاں اشتہاری ملزم کی گرفتاری کے دوران وکلا نے ان پر مبینہ طور پر دھاوا بول دیا۔
پولیس کا کہنا ہےکہ وکلا کےمبینہ تشدد کے باعث اے ایس آئی شاہدکی حالت غیر ہوگئی جو اسپتال پہنچ کردم توڑگیا۔
پولیس نے شواہد جمع کر کے ملزموں کی تلاش شروع کر دی ہے ۔ آئی جی پنجاب ڈاکٹر عثمان انور نے ملزموں کی فوری گرفتاری کا حکم دیا ہے۔
