27 فروری ، 2025 
کھیل
اگلے 2 ماہ میں کچھ کرکٹ کھیلوں گا تو پھر ٹیسٹ فائنل کے لیے تیار ہوں گا: آسٹریلوی کرکٹر/ فائل فوٹو
آسٹریلوی کرکٹر مچل اسٹارک نے چیمپئنز ٹرافی سے دستبردار ہونے کی وجہ بتادی
27 فروری ، 2025
آسٹریلوی کرکٹر مچل اسٹارک نے ٹخنے کی انجری کو چیمپئنز ٹرافی سے دستبرداری کی وجہ قرار دے دیا۔
مچل اسٹارک نے کچھ ذاتی وجوہات کو بھی دستبرداری کی وجہ قرار دیتے ہوئے کہا کہ چیمپئنز ٹرافی نہ کھیلنے کی کئی وجوہات تھیں، ان میں کچھ ذاتی تھیں اور میرے ٹخنے میں مسلسل درد تھا، میں اسے آرام دینا چاہتا تھا۔
اسٹارک نے کہا کہ ابھی جلد بھارتی لیگ بھی شروع ہونے والی ہے لیکن سب سے بڑھ کر ٹیسٹ چیمپئن شپ کا فائنل ہے، میں اپنی باڈی کو فائنل ٹیسٹ کے لیے تیار رکھنا چاہتا ہوں، اگلے 2 ماہ میں کچھ کرکٹ کھیلوں گا تو پھر ٹیسٹ فائنل کے لیے تیار ہوں گا۔
واضح رہے کہ کرکٹ آسٹریلیاکے چیمپئنز ٹرافی اسکواڈ سے فاسٹ بولر مچل اسٹارک دستبردار ہوگئے تھے۔
