04 مارچ ، 2025 
منفرد جیکٹ جو سولر پاور کی مدد سے آپ کے اسمارٹ فون کو چارج کردیتی ہے
04 مارچ ، 2025
تصور کریں کہ آپ کی جیکٹ صرف سرد ہوا سے بچانے کے ساتھ ساتھ اسمارٹ فون کو بھی چارج کرسکے تو روزمرہ کا کتنا بڑا مسئلہ حل ہو جائے گا۔
یقین کرنا مشکل ہوگا مگر ایک کمپنی نے واقعی ایسی جیکٹ تیار کردی ہے۔
بارسلونا میں موبائل ورلڈ کانگریس کے موقع پر Anker نامی کمپنی کی جانب سے یہ منفرد جیکٹ پیش کی گئی۔
اس جیکٹ میں 2 درجن سولر سیلز موجود ہیں جن کو perovskite نامی منرل سے تیار کیا گیا ہے جس کے باعث سولر سیلز کسی حد تک لچکدار اور کپڑے جیسے محسوس ہوتے ہیں۔
ایک یو ایس بی سی کنکٹر کے ذریعے آپ اپنی ڈیوائس کو براہ راست چارج کرسکتے ہیں۔
درحقیقت گھومنے پھرنے کے دوران جیب میں موجود فون چارج ہوتا رہتا ہے۔
اس کے ساتھ ساتھ جیکٹ میں نیلے رنگ کی روشنی کی لائن بھی موجود ہے جو اسے دیکھنے میں زیادہ منفرد اور کسی سائنس فکشن فلم میں دکھائی جانے والی جیکٹ جیسا بناتی ہے۔
یہ جیکٹ دیکھنے میں کسی برساتی جیسی ہے مگر وزن میں ہلکی ہے۔
اس میں موجود سولر سیلز ایسے نظر آتے ہیں جیسے لوہے کو ٹکڑوں کو جگہ جگہ چپکا دیا گیا ہے۔
کمپنی کے مطابق یہ سولر جیکٹ ابھی فی الحال کانسیپٹ ماڈل ہے تو یہ کہنا مشکل ہے کہ اسے کب تک عام افراد کے لیے متعارف کرایا جاسکتا ہے۔
مزید خبریں :
ایک ساتھ ملکر دوستوں کی طرح کام کرنے والے منفرد روبوٹس
03 مارچ ، 2025
دنیا کے سب سے چھوٹے پارک کی سیر کرنا پسند کریں گے؟
28 فروری ، 2025
کتے جیسی ساخت کی پہاڑی کی تصویر وائرل
27 فروری ، 2025
