پاکستانی نژاد اسکاٹش اسپنر عمران خان کی فین، بابر کو شاندار بیٹر قرار دیدیا

پاکستانی نژاد اسکاٹ لینڈ ویمن کرکٹ ٹیم کی لیگ اسپنر ابطہا مقصود کا کہنا ہے کہ پاکستان میں کھیلنا میرے لیے خاص لمحات ہیں۔

ابطہا مقصود آئی سی سی ویمنز کرکٹ ورلڈ کپ کے کوالیفائیر کے لیے ان دنوں اسکاٹ لینڈ ویمن کرکٹ ٹیم کے ساتھ لاہور میں ہیں۔

 25 سالہ اسکاٹش کرکٹر 8 ون ڈے اور 57 ٹی ٹوئنٹی انٹر نیشنل میں اسکاٹ لینڈ ویمن کرکٹ ٹیم کی نمائندگی کر چکی ہیں۔

ابطہا مقصود نے لاہور میں جیو نیوز سے گفتگو کرتے ہوئے کہا کہ میرے والدین کا تعلق پاکستان کے شہر لاہور سے ہے،یہاں واپس آکر بہت اچھا لگ رہا ہے۔

انھوں نے کہا کہ  میرے والد کرکٹ کے بہت بڑے فین ہیں،  ان کی وجہ سے مجھے کرکٹ کا شوق ہوا ، بھائی اور والد کے ساتھ ہم گھر کے گارڈن میں کرکٹ کھیلتے تھے یہی سے مجھے کھیل سے لگاؤ ہوا۔

ابطہا مقصود کے مطابق’   میں نے پاکستان میں کبھی نہیں کھیلا ، 8 برس کے بعد پاکستان آئی ہوں یہاں رشتہ داروں سے  مل کر اچھا لگا اور قذافی اسٹیڈیم میں کھیلنے کا موقع ملا جو کہ میرے لیے ایک خاص چیز ہے‘ ۔

ویمنز کرکٹ ورلڈکپ کوالیفائیر کیلئے میچ آفیشلز کا اعلان

انٹرنیشنل کرکٹ کونسل ( آئی سی سی) نے ویمنز ورلڈ کپ کوالیفائیر پاکستان میں کھیلا جائے گا

رول ماڈل کے حوالے سے گفتگو کرتے ہو ئے ابطہا مقصود نے کہا کہ میرے کچھ رول ماڈلز ہیں ، کنگ آف اسپن شین وارن ان میں سے ایک  ہیں، شین وارن کی ویڈیوز دیکھتی ہوں جبکہ عمران خان کی بڑی فین ہوں، سابق کپتان پاکستان ٹیم میرے اور میری فیملی کے رول ماڈل ہیں۔

اپنے ٹارگٹ  سے متعلق بات کرتے ہوئے   ویمن کرکٹر نے کہا کہ ’اس وقت بڑا ٹارگٹ یہی ہے کہ ورلڈ کپ کے لیے کوالیفائی کرنا ہے جس کے لیے ہم یہاں ہیں ، ہم چاہتے ہیں کہ ایک اور ورلڈ کپ کھیلیں ‘۔

انہوں نے مزید کہا کہ بلاشبہ میں پاکستان کرکٹ کو دیکھتی ہو ، اس وقت میرے فیورٹ بابر اعظم ہیں وہ شاندار بیٹر ہیں‘۔