07 اپریل ، 2025 
بہاولپور: انشورنس کی رقم کی لالچ میں بیٹے نے باپ کو قتل کردیا
07 اپریل ، 2025
بہاولپور میں انشورنس کی رقم کی لالچ میں بیٹے نے باپ کو قتل کردیا۔
پولیس کے مطابق یہ واقعہ ضلع بہاولپور کے علاقے یزمان میں پیش آیا جہاں بیٹے نے انشورنس کی رقم ہتھیانےکے لیے اپنے ہی باپ کی جان لے لی۔
پولیس کا کہنا ہےکہ ملزم نے ایک ہفتہ قبل ڈکیتی کا ڈرامہ رچا کر اپنے باپ غلام شبیر کو قتل کردیا تھا۔
پولیس کے مطابق ملزم نے 15 پر ڈکیتی اور اپنے والد کے قتل کی اطلاع دی تھی، دوران تفتیش ملزم نے فائرنگ کرکے اپنے باپ کو قتل کرنے کا اعتراف کرلیا۔
قتل کے الزام میں بیٹے سمیت 2 ملزمان کو گرفتار کیا گیا ہے جن سے مزید تفتیش جاری ہے۔
دوسری جانب ملتان کے علاقے مخدوم رشید میں بیٹے نے فائرنگ کرکے باپ کو قتل کردیا، پولیس نے ملزم کو گرفتار کرلیا ہے۔
پولیس کے مطابق ملزم نے پولیس کو بیان دیا ہےکہ اس کا والد میری بیوی کے ساتھ جھگڑتا اور لڑتا رہتا تھا اور برا بھلا کہتا تھا، اس وجہ سے میں نے غصے میں آکر اپنے باپ کو قتل کیا۔
مزید خبریں :
کراچی میں دہشتگردی کی منصوبہ بندی ناکام، 3 دہشتگرد گرفتار
07 اپریل ، 2025
پشاور میں نوجوان کے قتل کا ڈراپ سین، منگیتر قاتلہ نکلی
05 اپریل ، 2025
