08 اپریل ، 2025 
انگلینڈ نے 26 سالہ نوجوان کرکٹر کو ون ڈے اور ٹی ٹوئنٹی ٹیم کا نیا کپتان مقرر کر دیا
08 اپریل ، 2025
انگلینڈ کی وائٹ بال کرکٹ ٹیم کے نئے کپتان کا اعلان کر دیا گیا۔
انگلینڈ کرکٹ بورڈ کے مطابق نوجوان بیٹر ہیری بروک کو انگلش وائٹ بال کرکٹ ٹیم کا نیا کپتان مقرر کیا گیا ہے۔
آئی سی سی چیمپئنز ٹرافی میں بری طرح شکست کے بعد جوز بٹلر نے انگلش کرکٹ ٹیم کی کپتانی سے مستعفی ہونے کا اعلان کیا تھا۔
جس کے بعد اب ہیری بروک انگلینڈ کی ون ڈے اور ٹی ٹوئنٹی ٹیم کی قیادت کریں گے۔
ہیری بروک نے کپتان بننے پر خوشی کا اظہار کرتے ہوئے کہا کہ انگلینڈ کی وائٹ بال ٹیم کا کپتان بننا میرے لیے واقعی ایک اعزاز کی بات ہے۔
26 سالہ ہیری بروک نے کہا کہ جب میں بچپن میں کرکٹ کھیلتا تھا، تب ہی سے میرا خواب تھا کہ میں انگلینڈ کے لیے کھیلوں اور شاید ایک دن ٹیم کی قیادت بھی کروں۔ اب جب مجھے یہ موقع ملا ہے، تو یہ میرے لیے بہت اہمیت رکھتا ہے۔
واضح رہے کہ ہیری بروک کا انگلینڈ کی وائٹ بال کرکٹ ٹیم کے نئے کپتان کی حیثیت سے پہلا امتحان مئی کے آخر میں ویسٹ انڈیز کے خلاف 3 ٹی ٹوئنٹی اور 3 ون ڈے میچز ہے۔
مزید خبریں :
نیوزی لینڈ کیخلاف تیسرے ون ڈے میں بھی پاکستانی ٹیم کو جرمانہ
07 اپریل ، 2025
محسن نقوی کے استعفے سے متعلق پی سی بی کا بیان سامنے آگیا
07 اپریل ، 2025
