4 مزیدار دکھنے والے کھانے جو ناشتے میں بالکل نہیں کھانے چاہئیں

ناشتے میں کھائے جانے والے بہت سے کھانے بظاہر بہت اچھے سمجھے جاتے ہیں لیکن اگر انہیں اپنی روٹین میں شامل کرلیا جائے تو یہ قلبی صحت کے لیے خطرہ بن سکتے ہیں۔

ناشتے کو  دن کا سب سے اہم کھانا سمجھا جاتا ہے، جو آپ کی توانائی کی سطح اور میٹابولزم کے لیے اہم ہوتا ہے لیکن ناشتے کے تمام انتخاب یکساں نہیں ہوتے،کچھ خاص طور پر آپ کی دل کی صحت کے لیے نقصان دہ ہو سکتے ہیں۔

انڈین ایکسپریس کی رپورٹ کے مطابق ڈاکٹر مکیش گوئل جو سینئر کنسلٹنٹ کارڈیوتھوراسک اینڈ ہارٹ اینڈ لنگنگ ٹرانسپلانٹ سرجری کے ماہر ہیں، ان کے مطابق   صبح کے وقت عام طور پر استعمال کی جانے والی کچھ غذائیں دل کی بیماری، ہائی بلڈ پریشر، اور قلبی امراض کا سبب بن سکتی ہیں۔

1) زیادہ چینی والے سیریلز

بہت سے افراد ناشتے میں مختلف سیریلز کا استعمال کرتے ہیں، لیکن یہ جاننا بہت ضروری ہے کہ جس سیریل کو منتخب کیا گیا ہے اس میں چینی کی مقدار کتنی ہے، زیادہ چینی کی وجہ سے خون میں گلوکوز کی سطح میں تیزی سے اضافہ ہوتا ہے۔ اس سے انسولین کے خلاف مزاحمت، سوزش، اور موٹاپے اور ٹائپ 2 ذیابیطس جیسی بیماریاں ہونے کا خدشہ ہوتا ہے۔

2) پروسس شدہ گوشت کی مصنوعات

بیکن اور ساسیج جیسی اشیاء میں چکنائی اور سوڈیم زیادہ ہوتے ہیں، ڈاکٹر مکیش گوئل کے مطابق پراسیس شدہ گوشت کا باقاعدہ استعمال دل کی بیماری اور ہائی بلڈ پریشر کے بڑھتے ہوئے خطرے سے منسلک ہے۔

3) پیسٹریز اور ڈونٹس

ناشتے کی یہ مشہور غذائیں ٹرانس فیٹس اور ریفائن کاربوہائیڈریٹ سے بھرپور ہوتی ہیں۔ ٹرانس فیٹ ایل ڈی ایل (خراب) کولیسٹرول کو بڑھاتی ہے اور ایچ ڈی ایل (اچھے) کولیسٹرول کو کم کرتی ہے، لپڈ پروفائلز کو منفی طور پر متاثر کرتی ہے۔ ان کھانوں کا زیادہ استعمال انسولین کے خلاف مزاحمت اور وقت گزرنے کے ساتھ ساتھ قلبی مسائل کا باعث بن سکتا ہے۔

4) فُل فیٹ کریم چیز

مکمل چکنائی والا کریم چیز  چکنائی سے بھرپور ہوتا ہے، جو LDL کولیسٹرول کی سطح کو بڑھا سکتا ہے، اس سے ایتھروسکلروسیس کا خطرہ بڑھتا ہے جو کہ دل کی بیماری کا ایک بڑا حصہ ہے۔