15 مارچ ، 2013 
دوسرے ایک روزہ میچ میں جنوبی افریقا کی ٹاس جیت کربیٹنگ
15 مارچ ، 2013
سینچورین …پاکستان اور جنوبی افریقا کے درمیان دوسرے ایک روزہ میچ میں جنوبی افریقا نے ٹاس جیت کر پہلے بیٹنگ کافیصلہ کیا ہے۔پاکستان کی ٹیم میں ایک تبدیلی کی گئی ہے جس میں اسدشفیق کی جگہ محمد عرفان کو ٹیم میں شامل کیا گیاہے جبکہ جنوبی افریقا کی ٹیم میں بھی روری کلین ویلڈتھ کی جگہ ڈیل اسٹین واپس آگئے ہیں۔5 میچوں پر مشتمل سیریز میں جنوبی افریقا کو ایک۔ صفر کی برتری حاصل ہے، بلوم فونٹین میں جنوبی افریقا نے پہلا ون ڈے انٹرنیشنل 125رنز کے بڑے مارجن سے جیتا تھا۔ میزبان ٹیم پر امید ہے کہ وہ آج اور اتوار کا میچ جیت کر ون ڈے سیریز اپنے نام کرے۔ جنوبی افریقا نے اس گراؤنڈ پر 28 ون ڈے انٹرنیشنل کھیلے ہیں، جس میں 18 جیتے اور دس میں اسے شکست ہوئی۔ پاکستان نے اس گراؤنڈ پر 1993 اور 1994 میں دو میچ جیتے ہیں۔ 2003 کے ورلڈ کپ میں اسے بھارت کے ہاتھوں شکست ہوئی تھی۔
