16 مارچ ، 2013 
بلوچستان اسمبلی 19 مارچ کو تحلیل کردی جائے گی، نواب اسلم رئیسانی
16 مارچ ، 2013
اسلام آباد … وزیراعلیٰ بلوچستان نواب اسلم رئیسانی نے کہا ہے کہ 19 مارچ کو بلوچستا ن اسمبلی توڑ دی جائے گی، شہباز شریف سمیت تمام وزرائے اعلیٰ نے 19 مارچ کو اسمبلیوں کی تحلیل پر اصولی اتفاق کیا مگر شہباز شریف نے پارٹی سے مشاورت کا وقت بھی مانگا۔ اسلام آباد میں جیو نیوز سے گفتگو کرتے ہوئے وزیراعلیٰ بلوچستان اسلم رئیسانی نے کہا کہ وزیراعظم سے ملاقات میں چاروں صوبوں میں ایک ہی دن انتخابات کے انعقاد کا فیصلہ کر لیا گیا۔ انہوں نے کہا کہ بلوچستان اسمبلی 19 مارچ کو تحلیل کر دی جائے گی اور وہ اس ضمن میں سمری گورنر کو 19مارچ کو ہی بھیج دیں گے۔ اسلم رئیسانی نے کہا کہ آج بھی اس بات پر قائم ہوں کہ میری حکومت ختم ہونے کی بڑی وجہ ریکوڈک تھی۔ اسلم رئیسانی نے کہا کہ انہوں نے وزیراعظم کو بتایا کہ بلوچستان حکومت شہباز شریف کی وجہ سے بحال کی گئی ہے۔
مزید خبریں :
ایران اور عراق میں ہزاروں پاکستانی پھنس گئے
10 گھنٹے پہلے
کراچی میں بارش کب ہوگی؟ محکمہ موسمیات نے پیشگوئی کردی
15 جون ، 2025
