17 مارچ ، 2013 
پاکستان اور جنوبی افریقا آج جوہانسبرگ میں مدمقابل
17 مارچ ، 2013
جوہانسبرگ …پاکستان اور جنوبی افریقا کے درمیان تیسرا ایک روزہ میچ آج جوہانسبرگ میں کھیلا جائے گا ،پانچ میچوں پر مشتمل سیریز ایک۔ ایک سے برابر ہے۔ دونوں ٹیمیں میچ جیت کر سیریز میں برتری حاصل کرنے کیلئے پر امید ہیں۔بلوم فونٹین میں جنوبی افریقا نے میچ جیتاجبکہ سینچورین میں پاکستان بازی لے گیا۔آج جوہانسبرگ میں مقابلہ ہوگا ، جہاں پاکستانی ٹیم آج تک جنوبی افریقا سے نہیں جیت پائی ۔لیکن اس بار پاکستانی کپتان مصباح الحق تاریخ بدلنے کیلئے پر امید ہیں ۔جنوبی افریقا کے کپتان اے بی ڈی ویلیئرز سیریز میں کم بیک کیلئے پر امید ہیں۔دوسرے ون ڈے کے مین آف دی میچ محمد عرفان ہیمسٹرنگ انجری کا شکار ہیں ، اگر میچ سے قبل ان کی فٹنس بحال نہیں ہوئی تو ان کی جگہ جوہانسبرگ کی باونسی وکٹ پر وہاب ریاض کو موقع دیا جاسکتا ہے۔
