کولمبس(اوہائیو)…این جی ٹی…کہتے ہیں کہ جب اوپر والا دیتا ہے تو چھپر پھاڑ کر دیتا ہے اور یہی مثال خوبصورت آواز کے حامل اس شخص ٹڈ ولیم پر پوری طرح صادق آتی ہے۔ ٹڈگذشتہ سال امریکی ریاست اوہائیومیں اپنی متاثر کن آواز کا جا دو جگا کر بھیک مانگتا دکھائی دیتا تھا جس کی ویڈیو نے انٹرنیٹ پر دھو م مچا دی تھی ۔ اس کی قدرتی آواز کے سحر میں لوگ اس قدر محور ہوئے کہ اس بے گھر شخص کو سٹرک سے اٹھا کر خصوصی توجہ دی گئی جس کے بعد اب یہ ناصرف نشے اور شراب کی عادت سے چھٹکارہ حاصل کر چکاہے بلکہ ایک گھر کا مالک ہو نے کے ساتھ ساتھ بحیثیت میزبان ایک نجی ٹی وی کے رئیلٹی شو کی میزبانی بھی کر رہا ہے۔ اس بیروزگار شخص کی جا دوئی آواز سن کر میڈیاسمیت کئی اداروں کی جانب سے ا نھیں ملازمت کی پیشکش بھی ہو ئی لیکن اب اس پر نا صرف ہالی ووڈ میں فلم بنائی جارہی ہے بلکہ ان پر لکھی گئی ایک کتاب اس سال مئی میں شائع کی جائے گی۔ اچانک ملنے والی شہرت کے بعدTed دس سال کے طویل عرصے کے بعد اپنی 90سالہ والدہ سے بھی ملا جو اپنے بیٹے سے مل کر بہت خوش نظر آئیں۔