پاکستان
03 مارچ ، 2012
03 مارچ ، 2012 
مچھ: جھاڑیوں سے ملنے والی لاشوں کی شناخت، تینوں سیکیورٹی اہلکارہیں
03 مارچ ، 2012
مچھ … بلوچستان کے ضلع بولان کے قریب مقامی ہوٹل کے قریب سے 3 افراد کی لاشیں ملی ہیں لیویز ذرائع کے مطابق تینوں لاشیں سیکیورٹی فورس کے اہلکاروں کی ہیں۔ لیویز ذرائع کے مطابق بولان کے علاقے مچھ میں مقامی ہوٹل کے قریب جھاڑیوں سے 3 افرادکی لاشیں ملی ہیں، جنہیں شناخت کیلئے سول اسپتال پہنچا دیا گیا، جہاں انہیں شناخت کرلیاگیا۔ سیکیورٹی ذرائع نے تصدیق کرتے ہوئے بتایا کہ یہ تینوں لاشیں سیکیورٹی اہلکاروں یوسف، توصیف اور راشدعلی کے نام سے شناخت کی گئی ہیں ان اہلکاروں کو گزشتہ ماہ مارگٹ کے مقام پر نامعلوم مسلح افراد نے اغوا کرلیا تھا ، لاشوں کو ضروری کارروائی کے بعد مقامی انتظامیہ کے حوالے کر دیا گیا ۔
