07 اپریل ، 2013 
مسائل حل نہ کئے توبلوچستان میں انتخابات مشکوک ہونگے، اختر مینگل
07 اپریل ، 2013
کراچی…بلوچستان نیشنل پارٹی کے سربراہ اختر مینگل کا کہنا ہے پاکستان کے دیگر علاقوں مین الیکشن کا ماحول بن رہا ہے ، کاغذات کی جانچ پڑتال ہورہی ہے ، لیکن بلوچستان میں اب بھی لاشوں کی جانچ پڑتال ہورہی ہے ، کوئٹہ روانگی سے قبل کراچی ایئر پورٹ پر میڈیا سے گفتگو کرتے ہوئے اختر مینگل نے کہاکہ نگراں حکومت میں بھی ہمیں لاشیں مل رہی ہیں ، اختر مینگل کاکہنا تھا انہیں نہیں لگتا، اسٹیبلشمنٹ بلوچستان میں سنجیدہ ہے ،65 سال سے وہ چیخ رہے ہیں ، یا ہم گونگے ہیں یا وہ بہرے ہیں ، اختر مینگل نے ایک سوال کے جواب میں کہا طاقت اور بندوق سے مسئلے پیچیدہ ہوئے ہیں، حل نہیں ہوئے، بلوچستان میں اب تھی نوگوایریاز موجود ہیں ، حکومت اور اسٹیبلشمنٹ اب بھی بلوچستان میں عوام کو شراکت اقتدار دینا نہیں چاہتے ، ان کا کہنا تھا ماں باپ کو اگر ووٹ کے بدلے اس کا بیٹا مل جائے تو وہ گھاٹے کا سودہ نہیں ہے ، امن وامان اور دیگر مسائل حل نہ کئے گئے تو بلوچستان میں انتخابات مشکوک ہونگے۔
مزید خبریں :
ایران اور عراق میں ہزاروں پاکستانی پھنس گئے
50 منٹ پہلے
گوادر میں زلزلےکے جھٹکے، شدت 4.9 ریکارڈ
14 جون ، 2025
رواں سال حج کے دوران کتنے پاکستانی وفات پاگئے؟
14 جون ، 2025
