05 جون ، 2013 
او لیولز کے دوباہ امتحانات کو کراچی کے طلباء نے بھی مسترد کردیا
05 جون ، 2013
کراچی…برٹش کونسل کی جانب سے او لیولز کے امتحانات دوباہ لینے کے اعلان کو کراچی کے کئی اسکولوں کے طلباء نے مسترد کردیاہے۔ ان کا کہنا ہے کہ برٹش کونسل اپنی نااہلی کی سزا بچوں کوکیوں دے رہا ہے؟کیمبرج سسٹم کے تحت او لیول کے اسلامیات اور مطالعہ پاکستان کے پرچے آوٹ ہونے کے باعث امتحانات دوبارہ لینے کے اعلان کے بعد نجی اسکول کے طلبا سراپا احتجاج بنے ہوئے ہیں،کراچی میں طلبا ء نے برٹش ڈپٹی ہائی کمیشن کے باہر احتجاج کیا اور کہا کہ وہ کسی صورت دوبارہ پرچہ نہیں دیں گے۔احتجاج کے بعد برٹش ڈپٹی ہائی کمیشن نے کچھ طلبا ء کو بات چیت کے لئے بلایالیکن فیصلہ پر نظر ثانی کی یقین دہانی نہیں کرائی۔طلبا کا کہنا تھا کہ ایک مرتبہ پھر امتحانات لینے کے اعلان نے انہیں پریشان کردیا ہے جس کی وجہ سے ان کی تعلیمی کارکردگی متاثر ہوسکتی ہے۔
مزید خبریں :
پاکستانی وفد کا دورہ یورپ، حاصل کیا ہوا؟
3 گھنٹے پہلے
بلوچستان کے سمندر میں 35 فٹ لمبی بلیو وہیل مردہ پائی گئی
10 گھنٹے پہلے
