26 مارچ ، 2012 
شرجیل میمن، حمیرا علوانی اور حسنین مرزا کو دھمکی آمیز خط موصول
26 مارچ ، 2012
کراچی … رکن سندھ اسمبلی شرجیل میمن، حمیرا علوانی اور حسنین مرزا کو دھمکی آمیز خطوط موصول ہوئے ہیں جن میں انہیں کراچی چھوڑنے کا کہا گیا ہے۔ تینوں ارکان سندھ اسمبلی کو موصول ہونے والے خطوط غیر معروف تنظیم مہاجر صوبہ لبریشن آرمی کی جانب سے لکھے گئے ہیں، جن کامتن ایک سا ہے۔ خط میں کہا گیا ہے کہ 63ء سال میں مہاجر قوم نے سندھ سے ہر طرح سے وفاداری ثابت کی ہے اور ہر اس واقعہ کے سامنے کھڑی رہی جو سندھ کے مفاد کے خلاف ہو جبکہ سندھ پبلک سروس کمیشن مہاجر دشمن کمیشن بن گیا ہے اور مہاجر قوم کا کوئی فرد اب سی ایس ایس میں کامیاب نہیں ہورہا۔ خط میں ارکان اسمبلی سے کہا گیا ہے کہ آپ کراچی چھوڑ کر اپنے اہل و عیال کے ساتھ سندھ میں جاکر آباد ہوجائیں۔ خط میں مزید کہا گیا ہے کہ اگر آپ مہاجر صوبے میں رہے اور رشو ت، چور بازاری اور مہاجر صوبے کے اثاثوں کو لوٹتے رہے تو اس کا انجام آپ اور آپ کے اہل وعیال کو بھگتنا ہوگا۔
مزید خبریں :
