28 دسمبر ، 2013 
گلگت بلتستان اور چترال میں برفباری نے راستے ہی بند کردئیے
28 دسمبر ، 2013
اسلام آباد…گلگت بلتستان اور چترال کے مختلف علاقوں میں برفباری نے راستے ہی بند کردئیے ہیں۔راستے بند ہونے سے لوگوں کی مشکلات بڑھ گئی ہیں۔بلوچستان میں سردی کیا بڑھی جلانے کی لکڑی کے دام سن کر لوگوں کا جی ہی جل جاتا ہے۔مالاکنڈ ڈویژن کے بیشتر علاقوں میں موسم ابر آلود ہے۔چترال کے بالائی علاقے لواری ٹاپ میں برف باری کی وجہ سے رابطہ سڑکیں بند ہیں ، جس سے لوگوں کو شدید مشکلات کا سامنا ہے۔گلگت بلتستان میں دیامر اور غذر کے پہاڑوں پر وقفے وقفے سے برفباری ہو رہی ہے اورمتعدد سڑکیں بند ہو گئی ہیں۔راستوں کی بندش نے لوگوں کو گھروں تک محدود کردیا ہے۔گلیات میں حالیہ برفباری کے بعد نتھیاگلی بکوٹ روڈ کئی روز سے ہر قسم کی ٹریفک کیلیے بند ہے۔بلوچستان کے شمالی علاقے شدید سردی کی لپیٹ میں ہیں۔قلات،زیارت،چمن ،مسلم باغ سمیت متعدد علاقوں میں سردی بڑھتے ہی جلانے کی لکڑی کے دام بھی بڑھ گئے ہیں۔کرم ایجنسی اور اورکزئی ایجنسی سمیت قبائلی علاقوں میں بھی سرد موسم کی وجہ سے کاروبار زندگی متاثر ہے۔
مزید خبریں :
’دل کا رشتہ ‘کس طرح خواتین کو خود مختار بنا رہی ہے؟
5 گھنٹے پہلے
پاک بحریہ نے سمندر میں زخمی بھارتی عملے کو بچا لیا
11 گھنٹے پہلے
