15 جنوری ، 2014 
ہالینڈ میں قیدی جیل میں رہنے کا کرایہ دیں گے،مسودہ قانون تیار
15 جنوری ، 2014
دی ہیگ… ہالینڈ میں اب قیدی جیل میں رہنے کا کرایہ دیں گے۔ذرائع کے مطابق ہالینڈ کی حکومت نے ایک مسودہ قانون تیار کرلیا ہے جس کی رو سے قیدی سیل میں رہنے والوں سے کرایہ وصول کیا جائے گا۔مذکورہ مسودہ قانون کابینہ سے منظوری کے لئے رواں ہفتے پیش کیا جا رہا ہے۔ہالینڈ کے نائب وزیر انصاف فریڈ ٹیوین کے حوالے سے ہالینڈ کی وزارت انصاف کی ترجمان ویبا الکیما نے بتایا کہ اگر مسودہ قانون منظور ہوجاتا ہے توقیدی سیل میں رہنے والے قیدیوں سے 16 یورو یومیہ کم از کم 2 سال تک وصول کیا جائے گا کیونکہ ایسے قیدی پر حکومت کا یومیہ250 یورو خرچ آتا ہے جس کیلئے معاشرے کو بھی حکومت کے اخراجات کو کندھا دینا چاہیئے۔مذکورہ قانون منظوری کی صورت میں یکم جنوری2015ء سے قابل عمل ہوگا۔حکومتی سطح پر ایک اور مسودہ قانون کی تیاری پر بھی غور ہورہا ہے جس کے تحت قیدیوں سے ان کے کئے گئے جرائم کی تفتیش اور تحقیقات پر اٹھنے والے اخراجات میں سے بھی حصہ وصول کیا جائے گا۔
مزید خبریں :
آسمان پر 7 سیاروں کو ایک ساتھ دیکھنا چاہتے ہیں؟
21 فروری ، 2025
سعودی عرب کے منفرد سیاحتی منصوبے کی تصاویر دیکھیں
21 فروری ، 2025
کیا آپ سرکے کے ان حیرت انگیز فوائد سے واقف ہیں؟
20 فروری ، 2025
آسٹریلیا کے ساحل پر 150 سے زائد فالز کلر وہیلز پھنس گئیں
20 فروری ، 2025
