16 جنوری ، 2014 
لاہور میں شدید دھند کے بعد ایئرپورٹ پروازوں کے لیے بند
16 جنوری ، 2014
لاہور…لاہورکے گردونواح میں شدید دھند کے باعث جمعرات کی شب علامہ اقبال ائرپورٹ تمام پروازوں کیلیے بند کردیا گیا ہے ، دھند کی وجہ سے لاہورسے پنڈی بھٹیاں تک موٹر وے بھی بند کردی گئی ہے۔ لاہورکے گردو نواح میں گہری دھند کے باعث علامہ اقبال ائر پورٹ پر تمام پروازیں منسوخ کردی گئی ہیں ، لاہور آنے والی پروازوں کو دوسرے شہروں کی طرف موڑا جارہا ہے۔ منسوخ کی جانے والی پروازوں میں جدہ ، کویت اوردیگر شہروں کی پروازیں شامل ہیں ۔حدنگاہ صفر ہونے پر لاہورسے پنڈی بھٹیاں تک موٹروے بندکردی گئی۔ ترجمان موٹر وے کے مطابق ٹریفک کو متبادل راستوں سے جی ٹی روڈ کی طرف موڑا جارہا ہے۔جیونیوزکے نمایندے زاہدشیروانی کے مطابق لاہورکے نواحی علاقوں نے دھند کی سفید چادراوڑ ھ لی ہے۔ شدید دھند کے باعث پنڈی بھٹیاں سے شیخوپورہ تک موٹر وے بند کردی گئی ہے۔
مزید خبریں :
گوادر میں زلزلےکے جھٹکے، شدت 4.9 ریکارڈ
10 گھنٹے پہلے
رواں سال حج کے دوران کتنے پاکستانی وفات پاگئے؟
14 جون ، 2025
مسلم دنیا متحد نہ ہوئی تو سب کی باری آئے گی: خواجہ آصف
14 جون ، 2025
کراچی: مختلف علاقوں میں ایک بار پھر زلزلے کے جھٹکے
14 جون ، 2025
