11 فروری ، 2014 
ایم کیوایم کے کارکن فہد عزیز پرمبینہ تشدد کے خلاف کیس کی سماعت
11 فروری ، 2014
کراچی…سندھ ہائی کورٹ نے متحدہ قومی موومنٹ کے کارکن فہد عزیز پر تشدد کی میڈیکل رپورٹ اور روزنامچہ 15دن میں طلب کرتے ہوئے حکم دیا ہے کہ فہد عزیز اور ان کے اہل خانہ کو ہراساں نہ کیا جائے۔ایم کیو ایم کے کارکن فہد عزیز پر پولیس تشدد کیس کی سماعت سندھ ہوئی کورٹ میں ہوئی۔ عدالت نے فہد عزیز پر مبینہ تشدد کے خلاف درخواست پرڈی جی رینجرز ،آئی جی سندھ اور کراچی پولیس چیف سمیت دیگر مدعا علیہان کو نوٹس جاری کرتے ہوئے حکم دیا کہ فہد عزیزکی میڈیکل رپورٹ اور روزنامچہ 15 روز میں پیش کیا جائے۔ عدالت نے مزید کہا کہ فہد عزیز اور ان کے اہلخانہ کو ہراساں نہ کیا جائے۔فہد عزیز پر تشدد کے خلاف پٹیشن گزشتہ روز ایم کیو ایم کے رہنما ڈاکٹر فاروق ستار اور فہد کے والد کی جانب سے دائر کی گئی تھی۔ درخواست میں موقف اختیار کیا گیا ہے کہ پولیس اہل کار سادہ کپڑوں میں آتے ہیں اور کارکنوں کو اٹھا کر لے جاتے ہیں۔
مزید خبریں :
ایران اور عراق میں ہزاروں پاکستانی پھنس گئے
15 جون ، 2025
کراچی میں بارش کب ہوگی؟ محکمہ موسمیات نے پیشگوئی کردی
15 جون ، 2025
