01 مارچ ، 2014 
جمرود میں انسداد پولیو ٹیم پر حملہ،12اہلکار جاں بحق،متعدد زخمی
01 مارچ ، 2014
خیبر ایجنسی…خیبر ایجنسی کی تحصیل جمرود میں انسداد پولیو مہم کو سیکیورٹی دینے والے خاصہ دار فورس کے اہلکاروں پر دہشت گردوں نے حملہ کرکے 12 اہلکاروں کو جاں بحق کر دیا ،ِحملے میں متعدد اہلکار زخمی بھی ہو ئے۔انسداد پولیو مہم کی ٹیم کو خیبر ایجنسی کی تحصیل جمرود میں نشانہ بنایاگیا جہاں فائرنگ اوردھماکوں میں 12اہلکار جاں بحق اور متعدد اہلکار زخمی ہوگئے۔پولیٹیکل انتظامیہ کے مطابق تحصیل جمرود کے علاقہ لاشوڑہ میں یکے بعد دیگرے دو دھماکے ہوئے ہیں۔ دھماکوں کی آواز دور دور تک سنی گئی۔دھماکوں میں خاصہ دار فورسز کی 2گاڑیوں کو نقصان پہنچا ۔زخمی اہلکاروں کوپشاور کے اسپتال میں منتقل کردیا گیا ہے۔دھماکوں کے بعد خاصہ دار فورسز نے علاقے کو گھیرے میں لے کر سرچ آپریشن شروع کردیا ہے۔
مزید خبریں :
پاکستان تحریک انصاف نے وفاقی بجٹ مسترد کردیا
7 گھنٹے پہلے
دفاعی بجٹ میں 20 فیصد اضافےکی تجویز
9 گھنٹے پہلے
