20 مارچ ، 2014 
میڈیکل کے طلبہ کو 6 ماہ تھر جیسے علاقوں میں تعینات کریں،چیف جسٹس
20 مارچ ، 2014
اسلام آباد… چیف جسٹس سپریم کورٹ نے تھر سے متعلق کیس کی سماعت کے دوران ریمارکس دیئے ہیں کہ میڈیکل کے طلبہ کو 6 ماہ تک تھر جیسے علاقوں میں تعینات کریں جو نہ جائیں انہیں ڈگری نہ دی جائے۔سپریم کورٹ کراچی رجسٹری میں چیف جسٹس کی سربراہی میں تین رکنی بینچ نے تھر میں قحط سالی اور بچوں کی اموات پر از خود نوٹس کی سماعت کی۔چیف سیکریٹری نے عدالت میں اعتراف کیاکہ ڈاکٹر کراچی اور حیدر آباد سے آگے جانا نہیں چاہتے، ڈی جی ہیلتھ کو معطل کر دیا ہے ا ن کے خلاف تادیبی کاروائی کی جائیگی۔ چیف جسٹس نے چیف سیکریٹری سے کہا کہ سیاسی دباوٴ میں آئے بغیر بلا تخصیص قومی خدمت کا فریضہ انجام دیں، سیکریٹری صحت نے کہاکہ ڈاکٹرز جب تک اپنے مقامی اضلاع میں ڈیوٹیاں نہیں دیں گے مسائل حل نہیں ہوسکتے۔چیف جسٹس نے ریمارکس دیئے کہ ڈاکٹروں کو تین سال کیلیے ان کے ڈومیسائل والے اضلاع میں لازمی تعینات کیاجائے۔
مزید خبریں :
ایران اور عراق میں ہزاروں پاکستانی پھنس گئے
15 جون ، 2025
کراچی میں بارش کب ہوگی؟ محکمہ موسمیات نے پیشگوئی کردی
15 جون ، 2025
