09 جولائی ، 2014 
اجے دیوگن اور کرینہ کی فلم"سنگھم ریٹرنز"کے پوسٹرز جاری
09 جولائی ، 2014
ممبئی...... بالی ووڈ کے جانباز پولیس افسر سنگھم کی واپسی،2011ءکی بلاک بسٹر فلم سنگھم کے سیکوئل "سنگھم ریٹرنز"کے ڈیجیٹل موشن پوسٹرز جاری کردیئے گئے ہیں۔ہدایتکار روہت شیٹھی کی اس فلم میں جہاں اجے دیوگن کی بحیثیت انسپکٹر باجی رائو سنگھم واپسی ہوئی ہے وہیں اس بار انکے مدِ مقابل کرینہ کپور خان ہیروئن کا مرکزی کردار نبھا رہی ہیں جبکہ دیگر اہم کرداروں میں انوپم کھیر،اعجاز خان،امول گپتے اور دیانند شیٹھی شامل ہیں۔روہت شیٹھی اور اجے دیوگن کی مشترکہ پروڈکشن میں بننے والی اس فلم کی کہانی ایک بار پھر ایماندار پولیس افسر باجی رائو سنگھم کے گرد گھوم رہی ہے جسے جرائم کیخلاف ایکشن لینے میں طاقتور افراد کی جانب سے مستقل مزاحمت کا سامنا کرنا پڑتا ہے۔ایکشن اور تھرل سے بھرپور یہ فلم سنگھم ریٹرنز ریلائنس اینٹر ٹینمنٹ کے تحت15اگست کو سینما گھروں کی زینت بنائی جائیگی جسکا میوزک انکت تیواری نے ترتیب دیا ہے۔
مزید خبریں :
ہانیہ عامر نے فریضہ حج ادا کرلیا، تصاویر وائرل
10 جون ، 2025
عامر خان کی 91 سالہ والدہ کی فلمی دنیا میں انٹری
08 جون ، 2025
