16 ستمبر ، 2014 
امریکی صدر کا مغربی افریقامیں ایبولا کیخلاف بڑی مہم کا اعلان
16 ستمبر ، 2014
واشنگٹن.......امریکا کے صدر باراک اوباما نے مغربی افریقامیں پھوٹ پڑنے والی بیماری ایبولا سے تحفظ کے لئے بڑی مہم شروع کرنے کا اعلان کیا ہے اور اس سلسلے میں وہاں تین ہزار فوجی اہلکار بھیجنے کا حکم دیا ہے۔واشنگٹن میں وہائٹ ہاؤس کے حکام کا کہنا ہے کہ صدر اوباما نے مگربی افریقا میں صحت کی دیکھ بھال کی تربیت اور حفظان صحت کابڑا پروگرام شروع کر نے کا اعلان کیا ہے۔صدر اوباما نے صحت عامہ کے حکام سے ملاقات کے بعد اس پروگرام کا اعلان کیا ہے،جس کا مقصد یہ ہے کہ مغربی افریقا میں پھوٹ پڑنے والی بیماری کے خلاف عالمی جدو جہد کی جائے جس سے اب تک دو ہزار چار سو افراد ہلاک ہوچکے ہیں ۔اس سے قبل مغربی افریقا کے ملک لائبیریا کی صدر ایلن جانس سرلیف نے امریکا سے اپیل کی تھی کہ ایبولا وائرس کو پھیلنے سے روکنے کے لیے ہنگامی مدد کی جائے۔ ان کا کہنا تھا کہ واشنگٹن کی مدد کے بغیر اس وبا کے خلاف جاری جنگ ہار سکتے ہیں ۔
مزید خبریں :
نہاتے وقت کی جانے والی وہ عام غلطی جو جان لیوا ہوسکتی ہے
19 جون ، 2025
5 علامات جن کو کبھی نظر انداز نہیں کرنا چاہیے
18 جون ، 2025
وہ 14 حیرت انگیز عادات جو آپ کو جلد بوڑھا بنا دیتی ہیں
17 جون ، 2025
