30 ستمبر ، 2014 
بلوچستان اسمبلی: خان آف قلات کی وطن واپسی سے متعلق قراردادمنظور
30 ستمبر ، 2014
کوئٹہ........بلوچستان اسمبلی کے اجلاس میں لندن میں مقیم خان آف قلات سلیمان داؤد کی جرگے کے ذریعے باعزت وطن واپسی سے متعلق قرارداد گرما گرم بحث کے بعد منظور کرلی گئی۔ قرار داد حزب اختلاف کےرکن سردار عبدالرحمان کھیتران نے پیش کی، جس پر ایوان میں حزب اقتدار اور حزب اختلاف کےارکان میں تلخ کلامی بھی ہوئی۔اس موقع پر وزیر اعلیٰ بلوچستان ڈاکٹر عبدالمالک بلوچ نےکہا کہ وہ قرار داد کی مکمل حمایت کرتے ہیں، بلوچستان کی بہتری کے لئے جہاں امید ہوئی وہ دروازہ کھٹکھٹایا ہے اور آئندہ بھی کھٹکھٹائیں گے۔ انہو ں نے مسلح جدو جہد کرنے والوں سے مذاکرات کی اپیل کی۔ ان کا کہنا تھا کہ بلوچستان میں کوئی بدامنی نہیں ہے، بعض لوگوں کی نجی جیلیں ختم کیں تو وہ چیخ رہے ہیں۔بعد میں قرارداد کو بحث کے بعد منظور کرلیا گیا ۔
مزید خبریں :
کراچی: راشد منہاس روڈ پر شاپنگ مال میں آگ لگ گئی
11 گھنٹے پہلے
پاکستانی وفد کا دورہ یورپ، حاصل کیا ہوا؟
17 جون ، 2025
