02 نومبر ، 2014 
واہگہ بارڈر کے قریب دھماکا،23افراد جاںبحق
02 نومبر ، 2014
لاہور......لاہور میں واہگہ بارڈر کے قریب مارکیٹ میں دھماکاہوا ہے جس کے نتیجہ میں23افراد جاںبحق اور درجنوں افراد زخمی ہو گئے،غیر مصدقہ اطلاعات کے مطابق دھماکا خود کش ہو سکتا ہے تاہم خود کش حملے کی تصدیق نہیں ہو سکی ہے۔دھماکا زیرو پوائنٹ سے ڈیڑھ کلو میٹر اندر کی جانب ہوااور عین اس وقت ہوا جب واہگہ پر فلیگ میٹنگ کی تقریب اختتام پذیر ہو ئی ۔تقریب میں لوگوں کی بڑی تعداد شریک تھی۔ آئی جی پنجاب نے 23 افراد کے جاں بحق ہونے کی تصدیق کر دی ہے، پچیس سے زائد افراد زخمی ہو ئے ہیں، زخمیوں میں رینجرز اہل کار بھی شامل ہیں ۔واقعے میں جاںبحق اور زخمیوں کو اسپتال منتقل کیا جا رہا ہے،طبی مراکز واہگہ سے20سے25کلو میٹر دور واقع ہیں۔لاہور کے اسپتالوں میں ایمرجنسی نافذ کر دی گئی ہے۔
