15 نومبر ، 2022
ٹی ٹوئنٹی ورلڈکپ کے فائنل میں پاکستان کی انگلینڈ کے ہاتھوں شکست پر بھارتی میڈیا پر کئی سوال اٹھائے گئے لیکن ان سوالات کے جوابات میں پاکستانی شائقین کے کرارے جواب نے بھارتی میڈیا کو دنگ کردیا۔
آسٹریلیا کے میلبرن گراؤنڈ میں بھارتی صحافی کی جانب سے پاکستان کی شکست کے بعد اسٹیڈیم سے نکلتے شائقین کو روک کر ان کی رائے پوچھی گئی۔
جس کے جواب میں پاکستانی فین نے کہا کہ’ ہم یہاں سے بالکل مایوس ہوکر نہیں جارہے کیوں کہ کسی ایک کو جیتنا تھا انگلینڈ جیت گئی لیکن ہم خوش ہیں‘۔
پاکستانی فین نے صحافی سے کہا کہ ’میرے پاس ایک شعر ہے اگر آپ کی اجازت ہوتو سنادیتا ہوں لیکن مجھے نہیں پتا آپ اس کو جانے دیں گے یا نہیں ، بات یہ ہے کہ اب بات نہیں ہوتی ، فائنل کے خواب دیکھنا اچھی بات ہے لیکن فائنل کھیلنا سب کی اوقات نہیں ہوتی‘۔
پاکستانی فین کا مزید کہنا تھا کہ ہم خوش ہیں مایوس نہیں کیوں کہ ہم فائنل تک پہنچے ہیں۔
