ایشیا کپ ہاکی: پاکستان نے کوریا کو شکست دیکر تیسری پوزیشن حاصل کرلی

ڈھاکا: ایشیا کپ ہاکی میں پاکستان نے کوریا کو شکست دے کر تیسری پوزیشن حاصل کر لی۔

بنگلہ دیش کے دارالحکومت ڈھاکا کے مولانا بھاشانی ہاکی اسٹیڈیم میں تیسری پوزیشن کے لیے کھیلے گئے میچ میں پاکستان نے کوریا کو 3 کے مقابلے میں 6 گول سے شکست دے کر کانسی کا تمغہ اپنے نام کرلیا۔

میچ کے ابتدا ہی سے پاکستان ٹیم نے جارحانہ کھیل پیش کیا اور پہلے کوارٹر کے 10 ویں منٹ میں اعجاز احمد نے گول کرکے ٹیم کو سبقت دلادی۔

ایشیا کپ: ملائشیا نے سپرفور مرحلے میں پاکستان کو 2-3 سے شکست دیدی

پاکستان کی جانب سے عمر بھٹہ نے میچ کے پہلے ہی منٹ میں گول کیا۔

کھیل کے 20 ویں منٹ میں کوریائی کھلاڑی سنک ہو چو نے گول کرکے پاکستان کی برتری کو برابر کردیا تاہم کھیل کے 26 ویں منٹ میں پاکستان کے راشد محمود نے گول کرکے ٹیم کو 2 ایک کی برتری دلائی۔

میچ کے 30 ویں منٹ میں اعجاز احمد نے تیسرا گول کرکے ٹیم کی برتری میں اضافہ کردیا اور 32 ویں منٹ میں ابو محمود نے پاکستان کی جانب سے چوتھا گول داغا۔

پاکستان کی جانب سے 36 ویں منٹ میں اعجاز احمد نے مجموعی طور پر 5 واں گول کرکے اپنی ہیٹ ٹرک مکمل کی جب کہ پاکستان کی جانب سے آخری گول محمد یعقوب نے کیا۔