03 مئی ، 2012 
اسپاٹ فکسنگ کیس میں گرفتار محمد آصف لندن جیل سے رہا
03 مئی ، 2012
لندن… مبینہ طور پر اسپاٹ فکسنگ میں ایک برس قید کی سزا پانے والے پاکستانی فاسٹ باوٴلر محمد آصف کی سزا مکمل ہو گئی ہے اور انہیں آج کنٹر بری جیل سے رہا کردیا گیا۔ واضح رہے کہ محمد آصف کی وکیل سویتا سکل ( Savita Sukul)منگل کی دوپہر برطانوی وزارت داخلہ کو قائل کرنے میں کامیاب ہو گئیں تھیں کہ محمد آصف کو پاکستان بدر نہیں کیا جائے گا اور اس کی ضمانت کے حق کو قبول کیا جا نا چاہئے۔ یہ کہا جاسکتا ہے کہ برطانوی وزارت داخلہ کی طرف سے محمد آصف اسپاٹ فکسنگ کی سزا کے خلاف اپیل کی پیروی کرنے کے لئے نہ صرف برطانیہ میں رہ سکتے ہیں، بلکہ اپنی اپیل کے حتمی فیصلے تک قانونی طور پر برطانیہ میں رہائش بھی رکھ سکتے ہیں ۔محمد آصف کے وکیل نے جیو نیوز سے خصوصی بات چیت کرتے ہوئے انکشاف کیا تھا کہ آصف برطانیہ میں اپنے دوست محمد ہارون کے سا تھ قیام کریں گے ۔
مزید خبریں :
روہت شرما نے ایک اور بڑا اعزاز اپنے نام کرلیا
09 مارچ ، 2025
ون ڈے کرکٹ سے ریٹائرمنٹ کی خبروں پر روہت شرما کا ردعمل آگیا
09 مارچ ، 2025
