01 جون ، 2015 
ڈاکٹروں کی غیر ملکی ڈگریوں کی تصدیق کا فیصلہ
01 جون ، 2015
کراچی........جعلی ڈگری اسکینڈل سامنے آنے کے بعد پاکستان میڈیکل اینڈ ڈینٹل کونسل نے بیرون ملک سے شعبہ طب میں اسناد حاصل کرنے والے ڈاکٹروں کی ڈگریوں کی تصدیق کرنے کا فیصلہ کرلیا۔ پاکستان میڈیکل اینڈ ڈینٹل کونسل کے ذرائع کے مطابق ایگزیکٹ کا جعلی ڈگری کا معاملہ سامنے آنے کے بعد بیرون ملک سے شعبہ طب میں اسناد حاصل کرنے والے ڈاکٹروں کی ڈگریوں کی جانچ پڑتال کرنے کا فیصلہ کیا گیا ہے۔ ذرائع کے مطابق پہلے مرحلے میں بیرون ممالک کی غیر معروف اور معروف جامعات سے اسناد حاصل کرنے کی لسٹ مرتب کی جائے گی جبکہ دوسرے مرحلے میں پاکستانی سفارت خانے سے رابطہ کرکے ان جامعات کی تصدیق کی جائے گی۔ بیرون ممالک سے حاصل کی گئی اسناد کے کوائف سفارت خانےآن لائن فراہم کریں گے۔ پی ایم ڈی سی کے ذرائع کا کہنا ہے کہ پاکستان میڈیکل اینڈ ڈینٹل کونسل کے پاس ایک لاکھ سے زائد ڈاکٹرزرجسٹرڈ ہیں۔
مزید خبریں :
نہاتے وقت کی جانے والی وہ عام غلطی جو جان لیوا ہوسکتی ہے
19 جون ، 2025
5 علامات جن کو کبھی نظر انداز نہیں کرنا چاہیے
18 جون ، 2025
