16 جون ، 2015 
ہالی وڈ فلم" راک دی قصبہ" کا پہلا ٹریلر جاری
16 جون ، 2015
ہالی وڈ.... ہالی وڈ کے نامور اداکار بِل مرے اور بروس وِلز کی کامیڈی اور طنزو مزاح سے بھرپور نئی ڈرامہ فلم "راک دی قصبہ" کا پہلا ٹریلر جاری کر دیا گیاہے۔ بیری لیون سن کی ہدایتکاری میں بننے والی فلم کی کہانی میوزک کمپنی کے ایک ایسے منیجر کے گِرد گھوم رہی ہے جس کی ملاقات غیرمعمولی آواز کی مالک ایک لڑکی سے ہوتی ہے۔منیجر اس گلوکارہ کو افغانستان لے جاتا ہے جہاں وہ مشہور ٹیلی ویڑن شو افغان اسٹار میں مقابلے کیلئے حصہ لیتی ہے۔ منیجر کو افغانستان میں طرح طرح کی پریشانیوں کا سامنا کرنا پڑتا ہے جسے فلم میں بڑے شاندار انداز میں فلمایا گیا ہے۔فلم میں مرکزی کردار بل مرے اور بروس وِلز نبھا رہے ہیں جبکہ فلم کی دیگر کاسٹ میں زوئی ڈیشنل، کیٹ ہڈسن، ٹیلر کینی ودیگر شامل ہیں۔اسٹیو بِنگ اوربَل بلاک کی مشترکہ طور پر پرودیوس کردہ اس کامیڈی ڈرامہ فلم کو رواں سال23اکتوبر کو سنیما گھروں میں نمائش کیلئے پیش کر دیا جائیگا۔
مزید خبریں :
