14 اکتوبر ، 2015
ابوظبی......ابوظہبی ٹیسٹ میں پاکستان کی پوزیشن مستحکم ہوگئی ہے، دوسرے روزکھانے کے وقفے پرپاکستان نےپہلی اننگز میں 4وکٹوں کے نقصان پر 389رنز بنالیے ہیں، شعیب ملک 168اور اسد شفیق 66رنز کے ساتھ کریز پر موجود ہیں۔
شیخ زید اسٹیڈیم میں کھیلے جارہے ٹیسٹ کا پہلا سیشن مکمل طور پاکستان کے نام رہا اور سرتوڑ کوشش کے باوجود کوئی بھی انگلش بالر وکٹ لینے میں کامیاب نہیں ہوسکا۔
پاکستان نے گذشتہ روز کے اسکور 286رنز 4کھلاڑی آئوٹ پر نامکمل اننگز کا آغاز کیا، شعیب ملک نے شاندار بیٹنگ کا مظاہرہ کرتے ہوئے 150رنز مکمل کیے جبکہ اسد شفیق نےبھی ان کا بھرپور ساتھ دیا اور ٹیسٹ میچوں میں اپنی 12نصف سنچری بنائی۔