29 نومبر ، 2015 
ٹیسٹ کرکٹر یونس خان 38 برس کے ہوگئے
29 نومبر ، 2015
کراچی......ٹیسٹ کرکٹر یونس خان آج 38 سال کے ہوگئے،وہ ٹیسٹ کرکٹ میں پاکستان کی جانب سے سب سے زیادہ رنز بنانے والے بیٹسمین ہیں۔
29 نومبر 1977 کو مردان میں پیدا ہونے والےپاکستان ٹیسٹ کرکٹ کی جان یونس خان آج اپنی 38 ویں سالگرہ منا رہے ہیں،یونس خان نے سن 2000 میں سری لنکا کے خلاف ٹیسٹ ڈیبیو کیا،دوسری اننگز میں ہی یونس خان نے سنچری اسکور کردی، اس کے بعد یونس خان نے پیچھے مڑکر نہیں دیکھا، دیکھتے ہی دیکھتے یونس خان نے 104 ٹیسٹ میں پاکستان کی جانب سے سب سے زیادہ رنز بنانے کا اعزاز حاصل کیا۔
انھوں نے اپنے ٹیسٹ کیرئیر میں 9116 رنز بنارکھے ہیں،حال ہی میں ون ڈے سے ریٹائرڈ ہونے والے یونس خان نے 265 ایک روزہ میچ میں 7249 رنز بنارکھے ہیں۔ پاکستان ٹیم کو 2009 میں ورلڈ ٹی ٹوئنٹی ٹرافی بھی دلائی۔
