دنیا
01 جنوری ، 2016
01 جنوری ، 2016 
فلپائن میں ابو سیاف نامی باغی تنظیم کے دس ارکان ہلاک
01 جنوری ، 2016
منیلا.......فلپائن میں ابو سیاف نامی باغی تنظیم کے دس ارکان کو ہلاک کر دیا گیا ہے۔ ملکی فوج کے ایک بیان کے مطابق بری فوج کے ایک خصوصی کمانڈو دستے نے یہ کارروائی ’خولو‘ نامی جزیرے پر کی۔ اس سے قبل قریب تین سو عسکریت پسندوں اور فوج کے مابین شدید لڑائی بھی ہوئی۔
ابو سیاف گروپ جنوبی فلپائن میں ایک مسلم ریاست کے قیام کے لیے لڑ رہا ہے۔ حکام کو شبہ ہے کہ اس گروپ کے روابط دہشت گرد تنظیم القاعدہ اور ’اسلامک اسٹیٹ‘ سے بھی ہیں۔ آج کل کینیڈا کے دو جبکہ جاپان، ہالینڈ، اٹلی اور ناروے کا ایک ایک شہری ابو سیاف کے قبضے میں ہے۔
