پوری دنیا میں ایک نئے رحجان کا آغاز کرنے والا روسی جوڑا عثمان مراد اوران کی اہلیہ نتالیہ زخورواسے کون واقف نہیں۔

 جنہوں نے اپنے انسٹا گرام اکاؤنٹ کے ذریعے’فالو می‘ نامی سیریز کا آغاز کیا تھا،جس میں عثمان نتالیہ کی نظر سے دنیا بھر کی خوبصورتی کو اپنے کیمرے کی آنکھ میں محفوظ کر تے ہوئے دکھائی دیتے تھے ۔

اس روسی جوڑے کی اس کاوش کے بعد بہت سے لوگوں نے ان کے نقش قدم پر چلتے ہوئے اپنی خوبصورت اوررومانٹک تصاویر مختلف سماجی ویب سائٹس پر شیئر کیں۔

 لیکن تائیوان کے ایک جوڑے نے تو اس سیریز کی پیروڈی ہی بنا ڈالی اور اپنی چھٹیوں کے دوران عثمان اور نتالیہ کو نہایت دلچسپ انداز میں’فالو‘ کیا۔

سوشل میڈیا پر پوسٹ کی گئی ان تصاویر میں ایک بیوی کا اپنے شوہر پر ظلم صاف دکھائی دے رہا ہے، جس میں ان کی اہلیہ شیئن اپنے مظلوم شوہر کوبالوں کے ذریعے تو کبھی کانوں سے کھینچتی ہوئی لے جارہی ہیں۔

لو اور شیئن کی ان تصاویرنے سوشل میڈیا پر دھوم مچادی ہے، جسے اب تک 40 ہزار سے زائد مرتبہ شیئر کیا جاچکا ہے ۔