دنیا
01 اگست ، 2016
01 اگست ، 2016 
مقبوضہ کشمیرمیں کرفیو کا چوبیسواں روز
01 اگست ، 2016
مقبوضہ کشمیر کے کئی علاقوں میں 24ویں روز بھی کرفیو نا فذ ہے،حریت رہنماؤں کی اپیل پر 5 اگست تک ہڑتال بڑھادی گئی ہے، وادی میں گزشتہ ماہ بھارت کی وحشیانہ کارروائیوں میں 74 کشمیری شہید اور 5 ہزار 509 زخمی ہوگئے۔
مقبوضہ کشمیر میں تین ہفتوں کے بعد بھی صورتحال کشیدہ ہے۔آج بھی وادی میں کرفیو نافذ ہے ،حریت رہنما سید علی گیلانی،میر واعظ عمر فاروق اور یسین ملک گھروں میں نظر بند ہیں۔
کشمیر میڈیا سروس کے مطابق جولائی کے مہینے میں بھارتی فوج کے ہاتھوں 4 خواتین اور 12 نوجوان سمیت 74 کشمیری شہید ہوئے جس میں سے تین جعلی انکاؤنٹر اور 60 بھارتی فورسز کی وحشیانہ کارروائی کا نشانہ بنے۔
بھارت مخالف مظاہروں میں شریک 605 کشمیریوں کو گرفتار بھی کیا گیا۔
