معروف ہالی وڈ اسٹار رابرٹ ڈی نیرو کی ڈرامے سے بھرپور نئی اسپورٹس بائیوگرافیکل فلم '’ ہینڈز آف اسٹون‘کا نیا ٹریلر جاری ہوگیا ہے۔یہ فلم 26اگست کو سنیما گھروں کی زینت بنائی جائیگی۔معروف ہالی وڈ اسٹار رابرٹ ڈی نیرو کی ایکشن اور ڈرامے سے بھرپور نئی ہالی وڈ اسپورٹس بائیوگرافیکل فلم '’ہینڈز آف ا سٹون‘ کا نیا ٹریلر جاری کر دیا ہے۔

جوناتھن جیکو بووچ کی ہدایتکاری میں بننے والی حقیقی واقعات پر مبنی اس فلم کی کہانی رابرٹو ڈیورین نامی ایک ایسے چیمپئن باکسر کے گرد گھوم رہی ہے، جو 16 سال کی عمر میں اپنے باکسنگ کیرئیر کا آغاز کرتا ہے اور50سال کی عمر میں ریٹائرمنٹ اختیار کر لیتا ہے۔

رابرٹ اپنے کیرئیر میں نامور باکسر شوگر رے لیونارڈ کو شکست دے کر ویلٹر ویٹ کا ورلڈ ٹائٹل اپنے نام کرتا ہے، لیکن شوگر رے کے دوبارہ چیلنج میں رابرٹ اپنے ٹائٹل سے ہاتھ دھو بیٹھتا ہے، تاہم رابرٹ کو رے آرسل جیسا لیجنڈری ٹرینر ملنے پراس کی زندگی تبدیل ہو کر رہ جاتی ہے۔

جے ویز لیڈر اور کارلوس گارشیاء کی مشترکہ پروڈکشن میں بننے والی اس فلم کی کاسٹ میں معروف اداکار رابرٹ ڈی نیرو کے علاوہ اینا ڈی آرمس، ایلن بارکن، اوشر ریمنڈ اور اینتھونی مولی ناری شامل ہیں۔ ڈرامے اور سنسنی پر مبنی یہ فلم رواں سال26اگست کوامریکی سنیما گھروں کی زینت بنے گی۔