اداکارہ پریانکا چوپڑا اپنے پہلے بین الاقوامی پروجیکٹ ’کوانتینو‘ کی کامیابی کے بعد کیریئر کی بلندیوں کی جانب گامزن ہیں، ٹیلی ویژن اکیڈمی نے 68 ویں ایمی ایوارڈز کے میزبانوں کے ناموں کا علان کیا ہے جن میں پریانکا چوپڑا کا نام بھی شامل ہے۔

آسکر ایوارڈز سے ڈیبیو کرنیوالی اداکارہ اب ایمی ایوارڈز میں بھی نمائندگی کرتی نظر آئینگی۔پریانکا چوپڑا نے بین الاقوامی انٹرٹینمنٹ کی دنیاپر اپنے گانے سے حملہ کیا تھا جو چارٹ بسٹر پر مقبول ہوا تھا۔

امریکی ٹیلی ویژن پروگرام ’کوانٹینو‘ میں بھی ناظرین نے اداکارہ کو پسند کیا،جلد ہی سابق حسینہ عالم ڈیوائن جانسن اور زیک ایفرون کے ساتھ فلم بے واچ میں اپنا ہولی وڈ میں ڈیبیو کرنے جارہی ہیں۔

مغرب میں مری کوم اسٹار اپنا کیریئر بنانے میں کامیاب نظر آتی ہیں اور اب ان کا انتخاب اعلیٰ درجہ کی شہرت کے حامل ایمی ایوارڈز کیلئے کیا گیا ہے،اداکارہ جلد ہی سپر ماڈل ہیدی کولام کے سیزن 15 ’پروجیکٹ رن وے‘ میں بحیثیت جج شریک ہوں گی۔

68واں ایمی ایوارڈز کا 18 ستمبر کو مائیک روسوفٹ تھیٹر میں انعقاد ہوگا۔