14 ستمبر ، 2016 
چین نےبھارت ،جاپان دفاعی تعاون کوشرمناک قراردےدیا
14 ستمبر ، 2016
چین نے اپنے خلاف بھارت اور جاپان کے دفاعی تعاون کو شرمناک قرار دیتے ہوئے کہا ہے کہ جاپانی طیاروں کی بھارت کوفروخت کامقصدبحیرہ جنوبی چین پرنظررکھناہے۔
چینی وزارت خارجہ کے ترجمان نے ایک بریفنگ کے دوران کہا کہ بیجنگ کے خلاف بھارت اور جاپان کا دفاعی تعاون ایک شرمناک عمل ہے ۔
ترجمان کا کہنا تھا کہ چین کو ریاستی سطح پر عمومی تعلقات بشمول دفاعی تعاون پر کوئی اعتراض نہیں ہے تاہم جاپان کی جانب سے بھارت کو نگرانی کے لیے مخصوص طیاروں کی فروخت نامناسب بات ہے ۔
جاپان کی جانب سے بھارت کو ایک ارب ساٹھ کروڑ ڈالر مالیت کے ریسکیو اور نگراں طیارے فروخت کرنے کی منظوری دی گئی ہے ۔
ترجمان کا کہنا تھا کہ جاپان کی جانب سے ان طیاروں کی فروخت کا مقصد بحیرہ جنوبی چین میں ہماری سرگرمیوں پر نظر رکھنا ہے ، جو درست نہیں ہوگا ۔
