28 جنوری ، 2017 
چین :مرغے سے منسوب نئے قمری سال کا آغاز
28 جنوری ، 2017
چین میں نئے قمری سال کے آغاز پر جشن جاری ہے، مرغے سے منسوب نئے سال کا بیجنگ میں بلند بانگ استقبال کیا گیا، اس موقع پر لوگوں نے ینگ کو ڈانس کا مظاہرہ کیا ۔
چینی قمری سال کے آغاز پر چین میں مختلف رسومات ادا کی جاتی ہیں ، اس سال بھی بیجنگ میں شہریوں نے ڈرم بجائے اور نئے سال میں خوشحالی کی دعائیں کیں۔
اس موقع پر روایتی ینگ کو رقص بھی کیا اور آتش بازی کا مظاہرہ کیا،نئے چینی قمری سال کا جشن چین سمیت دنیا بھر میں منایا جا رہا ہے جس کے حوالے سے لوگوں کا جوش و خروش دیدنی ہے جبکہ نئے سال کو خوش آمدید کہنے کیلئے مختلف تقریبات بھی منعقد کی جا رہی ہیں۔
چین کے صوبے جیانگ زوکے شہر نانجنگ میں نئے قمری سال کے موقع پر سالانہ چن ہوئی لالٹین فیسٹیول کا انعقاد کیا گیا، جس سے شہر جگمگا اُٹھا۔
روشنیوں سے بھرپور اس فیسٹیول میں شہر بھر کے گلی کوچوں کو مختلف اشکال کی رنگ برنگی لالٹینوں سے سجایاگیا جس نے نہ صرف شہر کی خوبصورتی کو چار چاند لگا دیئے بلکہ دیکھنے والوں کو بھی مبہوت کر دیا۔
مزید خبریں :
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
کتے کی اپنے مالک کے ساتھ پیراگلائیڈنگ کی ویڈیو وائرل
19 نومبر ، 2024
