26 ستمبر ، 2017 
سری لنکا کیخلاف ٹیسٹ: بلال آصف، حارث سہیل کے ڈیبیو کا امکان
26 ستمبر ، 2017
شیخ زید کرکٹ اسٹیڈیم میں جمعرات سے شروع ہونے والے پہلے ٹیسٹ کیلئے ٹیم پاکستان دو نئے کھلاڑیوں کو پہلی مرتبہ ٹیسٹ کھیلنے کا موقع دینے جا رہی ہے۔
قوی امکان ہے کہ سیالکوٹ سے تعلق رکھنے والے 32 سال کے محمد بلال آصف جو آل راؤنڈر کی حیثیت سے بطور خاص آف بریک گیند کرنے کی اہلیت رکھتے ہیں،انھیں ٹیسٹ کیپ مل جائے۔دلچسپ امر یہ ہے کہ بلال محض 15 فرسٹ کلاس میچوں کا تجربہ رکھتے ہیں۔
یاد رہے کہ پی سی بی کو سینڑل کنڑیکٹ سی کیٹگری میں بلال آصف کو شامل کرنے پر سخت تنقید کا سامنا کرنا پڑا تھا۔
دوسری جانب 22 ون ڈے اور 4 ٹی 20 کھیلنے کا تجربہ رکھنے والے حارث سہیل کو بھی ٹیسٹ کرکڑ بننے کی نوید سنا دی گئی ہے۔البتہ بلال آصف اور محمد حسن میں ضرور ابھی اگر مگر چل رہی ہے۔
سری لنکن ٹیم میں بائیں ہاتھ کے بیٹسمینوں کی موجودگی میں بلال آصف پر اعتماد کئے جانے کا زیادہ امکان ہے۔
