Can't connect right now! retry
Advertisement

کاروبار
13 فروری ، 2018

وفاقی کابینہ نے پاکستان اور اٹلی کے درمیان ایل این جی معاہدے کی منظوری دیدی


وزیراعظم شاہد خاقان عباسی کی زیر صدارت وفاقی کابینہ کا اجلاس ہوا جس میں انسداد دہشت گردی رولز 2018 کی منظوری دے دی گئی۔

کابینہ کے اجلاس میں بجلی کی اضافی پیداوار پر اظہار اطمینان کیا گیا جبکہ اجلاس میں عاصمہ جہانگیر اورمیر ہزار خان بجارانی کے لیے فاتحہ خوانی بھی کی گئی۔

اجلاس میں وزیراعظم نے مختلف وزارتوں کے زیرانتظام اداروں کے سربراہان کی تقرری کا عمل تیز کرنے اور نیو اسلام آباد انٹرنیشنل ایئرپورٹ کو جلد آپریشنل کرنے کی ہدایت کی۔

اس کے علاوہ وفاقی کابینہ نے پاکستان اورعمان کے درمیان ایل این جی اور پٹرولیم مصنوعات کی فراہمی کے معاہدے اور حکومت پاکستان اوراٹلی کے درمیان ایل این جی معاہدے کی بھی منظوری دی۔

وفاقی کابینہ کے اجلاس میں کراچی سے کابل گاڑیوں کے اسپیئر پارٹس کی فراہمی کی منظوری بھی دی گئی جبکہ کابینہ کمیٹی برائے سی پیک کے فیصلوں کی بھی توثیق کر دی گئی۔

کابینہ کے اجلاس میں نیپرا کے سال18-2017 کے تعین کردہ بجلی کے نرخوں کی منظوری اور آزاد کشمیر کے لیے بجلی کے نرخوں کا تعین کرنے کی ہدایات بھی کی۔

Advertisement

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM