27 جولائی ، 2012 
برمنگھم :فسادات میں ہلاک پاکستانیوں کے قتل میں ملوث آٹھوں ملزم بری
27 جولائی ، 2012
برمنگھم … برمنگھم کی عدالت نے پچھلے برس ہوئے فسادات میں 3 پاکستانی نوجوانوں کو ہلاک کر نے میں ملوث آٹھوں ملزموں کو بری کردیا ہے جس پر برطانیہ میں مقیم سیکڑوں پاکستانیوں نے احتجاج کیا ہے اور فیصلے کے خلاف اپیل کا اعلان کیا ہے۔ ہارون جہان اور اور 2 بھائیوں شہزاد علی اور عبدالمصور کو ونسن گرین کے علاقے میں گاڑیوں سے کچل کر ہلاک کردیا گیا تھا۔ 10 اگست سن 2011ء میں ہوئے اس واقعے کے وقت تینوں نوجوان اہل محلہ کے ساتھ مل کر علاقے کی دکانوں کو لوٹ مار سے بچانے کی کوشش کررہے تھے۔ جج کا کہنا تھا کہ تینوں کو مارنے کی منصوبہ بندی سامنے نہیں آسکی۔ مظاہرین سے خطاب میں جاں بحق پاکستانیوں کے لواحقین نے فیصلے پر مایوسی کا اظہار کیا اور کہا کہ پاکستانی کمیونٹی لٹیروں کے خلاف ڈھال بنی تھی مگر اس کے ساتھ تعصب کا مظاہرہ کیا گیا ہے اور عدالتی نظام سے ان کا اعتماد اٹھ گیاہے۔
مزید خبریں :
کراچی: راشد منہاس روڈ پر شاپنگ مال میں آگ لگ گئی
3 گھنٹے پہلے
پاکستانی وفد کا دورہ یورپ، حاصل کیا ہوا؟
17 جون ، 2025
