تحریک انصاف کا وفد بیگم کلثوم نواز کی نماز جنازہ میں شرکت کرےگا

لاہور: پاکستان تحریک انصاف (پی ٹی آئی) کا وفد سابق وزیراعظم نواز شریف کی اہلیہ بیگم کلثوم نواز کی نماز جنازہ میں شرکت کرے گا۔

ذرائع کے مطابق گورنر پنجاب چوہدری محمد سرور کی قیادت میں پی ٹی آئی کا وفد نمازجنازہ میں شریک ہوگا جس میں صوبائی وزیر محمودالرشید، میاں اسلم اقبال اور دیگر وزرا بھی شریک ہوں گے۔

سابق خاتون اول کلثوم نواز کی نماز جنازہ لندن میں ادا کردی گئی

نماز جنازہ میں حسن و حسین نواز، شہباز شریف، چوہدری نثار، اسحاق ڈار سمیت مسلم لیگ (ن) کے کارکنان اور مختلف شعبہ ہائے زندگی سے تعلق رکھنے والے افراد نے شرکت کی۔

کلثوم نواز کی میت پاکستانی وقت کے مطابق رات تقریباً 11 بجے ہیتھرو ایئرپورٹ سے بذریعہ پی آئی اے پرواز لاہور روانہ کی جائے گی۔

کلثوم نواز کی میت پاکستان پہنچنے پر جمعے کو ان کی نماز جنازہ شریف میڈیکل کمپلیکس رائیونڈ میں شام 5 بجے ادا کی جائے گی۔

کلثوم نواز کی وفات: نوازشریف کی طبیعت خراب، تعزیتی ملاقاتیں روک دی گئیں

جاتی امراء کی سیکیورٹی کے لیے بھاری نفری تعینات جبکہ ٹریفک کی روانی کے لیے وارڈنز بھی تعینات کیے گئے ہیں

اس سے قبل بیگم کلثوم نواز کی نماز جنازہ لندن میں بھی ادا کی گئی جس میں ان کے بیٹے حسن و حسین نواز، سابق وزیراعلیٰ پنجاب شہباز شریف، سابق وزیر داخلہ چوہدری نثار، سابق وزیر خزانہ اسحاق ڈار سمیت مسلم لیگ (ن) کے کارکنان اور مختلف شعبہ ہائے زندگی سے تعلق رکھنے والے افراد کی بڑی تعداد نے شرکت کی۔

کینسر کے مرض میں مبتلا بیگم کلثوم نواز 11 ستمبر کو لندن میں دوران علاج انتقال کرگئی تھیں۔